Te tu kamlan o film Thinner, apa, kam volis o programmo Shut Eye. Kako shon kam avel nevo programmo pe Hulu kaj bushol Shut Eye pa duzhmane Rromende kaj traijen sar i Mafia. Chaches, si o bersh 2017. Offensivno? Oh yeah. Numa nashti ma jertisarav le bilasho skrimos. Mustaj man te phenav: o skrimos si o chacho dosh.

Chaches, me dikhlem o Jeffery Donovan ando programmo Burn Notice taj me kamlem leste. O dondalo actor butivar ankerel versogodi mishto kering leski butchi, numa chi dashtisailo te azhutil kakalo khulalo programmo. Maj ekh data, o skrimos strashno lo. O Leslie Bohem (ironic nav) ramosardyas o Shut Eye, taj fal ma ke wov kerdjas lesko “research” katar e lila King of the Gypsies aj Hastened to the Grave finke sa Rromane swata te e Rroma den vorbi si “buzho,” “amraja,” “love,” aj “gazhe.” Chi ashunlem nikon kaj phenel kukole swata “buzho” vor “amraja.” Numa butivar dikhodol kukole swata ande kadale lila. Vi kanagodi won phenen “gazhe,” won phenen “gazhe” vash jekh mush taj vi but zhene. Sode pharo te pokinel ekh chacho Rrom kaj del duma Rromanes te sikjavel lenge? Naj Hulu dosta love?

I familia po programmo bushol o Marks. Maj ekh data, o Bohem ljas lesko “research” katar Hastened to the Grave. Obviously. Po jekh episode, i puridej (Isabella Rosellini) shindyas ekh “M” la fatsa ekh raklyatar. Kon kerel kodja? Nadiv ma ke i chachi familia Marks keren lawsuit protiv le Hulu. Si chachimos ke won dashtin te keren kodja finke naj Rroma zor taj naj Rroma glaso taj naj Rroma love. Marks, arakhes Marx.

So maj bilasho kodo: Nikon mashkar la media (Dikh) prindjarel ke kodo programmo akushine chache zhene. Sostar ashunas “Naj bisteran” kana si antisemitism, numa kana si antitziganism, won prosto bisteren? Numa sar shaj seres ekh zhene kaj bichacho?

English readers: Please email me at nroderic@lourdes.edu  if you’d like a translation of my review.